Ez ê  hedîsik Pêxemberê Xwedê(s.) peşkeşî we bikim. Ji ber ev hedîsa pir girîngi û hewceyî mîrovê bawermend bi kar bînin. Û jê şîreta bigrin.

        Ev hedîs: Ji Ebû Seîd Se'd kurê Malik kurê Sînan el-Xudrî(r.), Pêxemberê Xwedê(s.) gotîye: "Mîrovek ji wan kesên berîya we, nod û neh mirov kuştibûn. Pirsyarê zanatirê ehlê dunyayê kir. Rahibek jê ra hate nîşandan. Çû cem rahip û got; Min nod û neh mirov kuştine, ka rêya tobê ji min re heye? Rahib got; na. Rabû ew jî kuşt û sed temam kir. Carik din jî pirsîyarîya zanatirê ehlê dunyayê kir. Alimek jê ra hate nîşandin. Jê ra got: Ew mêrê ku sed zilam kuştine ka rêya bexşandinê jê ra heye? Got: Erê, ma kî dikare bibe asteng di neqeba meriv û tobekirinê de? Rabe here filan warî, li wêderê mirovên ku îbadetê ji Xwedê Te'ala re dikin hene.Tu jî bi wan re îbadet ji Xwedê Te'ala re bike û venegere vî warê xwe. Ew warekî xirab e. Rabû  bi rê ket, dema gîhaşte nîvê rê mir.

        Vê demê melek(firîşte) ê rehmê û firîştê ezabê li ser wî civîyan. Melekên rehmê gotin: Bi tobekarî hatîye û ji dil berê xwe daye Xwedê Te'ala. Melekên ezabê gotin: Qet wî xêr nekirîye. Vêca melekek di şiklê mirovekî de hat bal wan. Ew di neqeba xwe de kirin hekem(dadger). Evî firîşte got: Hûn dûrayî ya neqeba herdu waran bipîvin. Zehftir nêziktirê kîjanî be, ew ji wî ye. Dema pîvan derket ku vaye nêziktirê bal warê ku diçûyê de ye. Ji bo vê yekê firîştê rehmê ew birin."    Buxarî û Muslim rîwayet(gotegot) kirîne.

        Di rîwayetek  dî ya Sehîhe de:"Bi bihustekê nêziktirê bal warê qenc ve bû,ji lewre ji ehlê wî warî hate hesibandin."

        Di rîwayeteka dîtir ya Sehîhe de: "Xwedê Te'ala emrê wî warî kir ku dirêj bibe û emrê vî warî kir ku kurt bibe û got: Neqeba herdukan bipîvin, pîvandin dîtin ku bi bihustekê nêziktirê bal vî yê ku diçû ve ye. Gunehê wî hate efûkirin."

        Di rîwayetek dîtir de: "Wî mirovî bi sînga xwe. xwe baskî wî warî ve de bû."

         Er ê xwendekarên heja derî yê tobê tu carî nayen girtin, hewceyi mirov hêz biki. Dema mirov xwedî îxlas bibe Xwedê Te'ala jî alîkarî ya mirov diki. Le belê hewceyi em şîreta bigrin.