mehmet fatih barış
fatihbaris63@hotmail.com
ŞOPAJOTİN, PÊJNNASÎN, PÊŞBÎNÎ
01/01/2013
Kurd di reşê de û li ser berfê jî, rêç û şopa pîyan digerînin û
dizanin. Eger bi şev kûçikên wan direyin, ew ji reyîna kûçik fehm dikin ku mirov
dîtiye û yan jî heywan dîtiye, û kurd bi şev guhên xwe didine erdê, guhdarî
dikin. Ji dûr ve eger siwar bên, ew ji dengê erdê fehm dikin û bi wî alî de
diçin. Gelek tiştên wan ên wisa hene, ku ewan ceribandine. Ji wan nîşanan fehma
tiştekî ku dê biqewime dikin. Mesela: Eger bizin teriya(qemçika) xwe berjor bike
ew dizanin ku wê rojê baran nabare. Eger bizin teriya xwe berjêrê bike, ew
dizanin ku di wê rojê de illeh baran dê bibare.
Eger li dora mûmê perwane peyda bibin ew dizanin ku
dê ji bo wan ji der ve kaxez û name bên. Eger solên kurdan li hevdû siwar bibin,
dibêjin wê rêwîtîyek hebe. Eger nêva destê rastê bixurre, dibêjin ji bo wan ji
cihekî dirav tên. Eger nêva destê çepê bixure dibêjin illeh dê şerek peyda bibe
û xwe ji bo şer amade dikin.(Fikr û ramanên kurdan li ser şer e kû ji ber fîya
gotine şer ji betalîye çêtire).
Eger qapaxa çavê rastê bavêje, dibêjin wê ji bo wan
mizgîn bên û şa dibin. Eger qapaxa çavê çepê bavêje, bela û karesatek diqewime û
xemgîn dibin. Bi kurtasî ji bo liv û tevgera endamên bedenê hemûyan her yek
tecrubeyek li nik wan heye.
Eger keskesor li kenarekî peyda bibe, dibêjin li wî
kenarî dibe erzanî û eger êvarê û sibê şewqeke sor li dawa ezmanan peyda bibe,
dibêjin li wî kenarî şer û ceng peyda dibe.
Eger navê yekî bi şaşî belav bibe ku miriye, dibêjin
ew mirov paşê dijî.
|
|
|
Yorumlar |
xurafe 01/01/2013 18:30 mamoste em dixwazin xurafe û baweriyên çewt ji nav gel rabe wûn tînin bira xelkê ez dibêjim wiha nabe. dîsa wûn zanin. haydar haydarî |
Yazarın diğer yazıları |
| WÊ DERBAS BIBE - 09/10/2021 |
| WÊ DERBAS BIBE |
| XEYÎDANDINA ÇÛK Ê JI XWEDÊ - 02/05/2020 |
| XEYÎDANDINA ÇÛK Ê JI XWEDÊ |
| MALA ŞÊN - 13/01/2020 |
| MALA ŞÊN |
| XWENDIN - 18/08/2019 |
| XWENDIN |
| ZİRÎNA KER Û LOTİKA DEVE - 26/01/2019 |
| ZİRÎNA KER Û LOTİKA DEVE |
| ŞÎRETA CENABÊ PÊXEMBER - 01/10/2018 |
| ŞÎRETA CENABÊ PÊXEMBER |
| MELA YÊ RAST - 30/05/2018 |
| MELA YÊ RAST |
| BANDOR A KÎS - 16/05/2018 |
| BANDOR A KÎS |
| MÎNAKA RASTÎYA RAST - 03/04/2018 |
| MÎNAKA RASTÎYA RAST |
 Devamı |
