Ev çend sale ku gelê misilman qehra serokên zalim dikşîne. Zalimtîyek werê ku ji xwe, ji şehweta xwe û ji berjewendiyên xwe pêvtir li tiştekî û li kesî nafikirin ev zalim.  Van zalima bi deh salan hikmê xwe bi zilmê ajotin. Ji ber ku heqî tunebu kesî nikarîbu li hember wan deyn jî bikira. Kesî nikarîbu rastî, azadane bigota. Ev tişt jî li madê wan zalima hat û ji wan ra heta çend salan serifî. Le înşaallah roja wan çûye ava û rojek nû li ser heqîyê hiltê înşaallah.

       Berî herba Iraqê yanê berî ku Amerîqa demokrasîyê bîne Iraqê(!) di mejuyê însanan de xelitîyek werê hebu. Bi rastî jî ev xelitî dîsa Amerîqa û Awrupa belav kiribu. Ev xelitî jî ev bu ku Amerîqa û Awrupa li mafê mirovan dipirse, dilê wan li ser însana diêşe û ji bo demokrasîyê dikeve nav erdê Iraqê. Yanê bi kurtî di derheqê Amerîqa û Awrupa de fikrê xweş di nav gel de hebu. Le piştî rastî bi rastîyê ket û piştî Amerîqa ket Iraqê û zilm kir, û piştî zarok, pîrek û wekîdin însan di ber lingan de çûn ew fehma xelit hat guhertin.

       Ji herba Iraqê û vir de fehmek din di nav misilmanan de çêbû. Ew jî fehma ku ‘’ji misilman re hew misilman bi kêr tê.’’ ye. Vê tespîta tevgera misilmanan guhert û ma, birîna misilman, misilman melhem bike. Piştî vê guhertîna fehmî, pirsgirêkek derket pêşiya gelê misilman. Ew jî hebûna serokên zalim î ser serê wan bu. Ji xwe ji berê de gel ji van zalima têr xwaribu. Piştî vê guhertina fehmî, gel jî got îdî bese û vê tevgera ji Tunusê de dest pê kir.

      Piştî xerakirina qesrên zilmê û xistina zaliman, divê gel bi hevrebûna xwe bidomîne. Ji bo destên biyanî nekeve nav misilmanan divê misilman hişyar be û desthevgirtî be. Di nav destên hev girtî de destê biyanî wê xwe rê bide.

      Bi rastî vê derbê wek tişt giş ji vê ser rakirinê re amade bûn. Sêva stewîyayî çawa dibe ya xwarinê, vê derbê jî gel ji vê tevgerê re bi her awayê xwe amade bu. Te digot qey Meydana Tahrîrê jî li bende vê rojê bu. Ji ber vî awayî Meydana Tahrîrê di dilan de cîkî xweş ji xwer dîtîye.

      Ev ser rakirina li hember zilmê û zaliman li dinyayê cîkî xweş dît û ji gelek neheqîyan re derî girt. Di vê lebtê de heqî û neheqî hebkî din ji nav hev derket. Tevgera Wall Street ê jî şewqdana Meydana Tahrîrê û wekîdinê ye.