Bi mirov re dewsa başîyê jî û dewsa xerabîyê jî heye. Her du heb jî di niyetê de xelas dibin û bi niyetê re bingeh digrin. Başî berî meriv wê bike, cîyê xwe di niyetê de çêdiki. Xerabî jî. Talî wexta ji xwe re derdorê dibîne, îja dibe ya çêbûnê.

       Başî başiyê xwedî dike, xerabî jî xerabîyê. Wexta kesek tiştê baş û bi xêr bike, heval û derdora wî jî wê bivin ehlê başîyê û xêrê.

      Tenê bûn ji xerabîyê re bingehê çêdike. Wexta ku yek li ber televizyonê tenê mabe yan li derdorek din bi tenê mabe bêtir nêzîkî xerabîyê ye. Îja tiştê ku li kesa dikeve, bi durketina ji tenahîyê ye. Ne hewcî em gelkî dur herin. Em li demê jiyana xwe bifikirin. Wexta ku em bi tenê li cîkî mabin em zanin ku xerabî nêzîkî merive. Wek tenêbûna ber televîzyonê, wek tenê mabûna li malekê. Ji ber vî hawî ji ber tenêbunê em xwe dispêrin Xwedê Teala.

      Em karin ji çi re bêjin xerabî? Mesela em dikarin ji nerînek xerab re, ji navlêkirinek nexweş re, ji kirina derewa re, ji tahdeyî ya li kesekî dibe re, ji bêbextîyekê re meriv dikare bêje xerabî. Binerin wexta ku meriv navê xerabîya dibeje jî hisek nexweş bi meriv re çêdibe. Meriv naxwaze navê meriv û xerabî nêzîkî hevbe. Em ji kirina xerabîyan û ji hisa xerabîyan xwe dispêrin Xwedê Teala. Hemd tev ji Xwedê re ne navê herî xweş yê Wî nin.

      Ez ji were qala bîranînek xwe bikim. Ez wê rojê êvarî derketim ser xanî. Ji ber ku havîn e ez li ser xanî radikevim. Min nerî di wê tarîyê de tişkî wek kevokekî li kêleka xanî tê xuya. Ez hêdî hêdî çum ber wî min nerî way birajî kevokeke. Kêfa min pir hat. Min hebkî ji xwer lê sêr kir û wa ez di bin bandora wî de mam. Min dest nedayê û min got bera îro ev kevokê xweşik cîranê min be û ez çûm ser cîyê xwe.  Li ser cîyê xwe jî min carna lê dinerî bê li wire yan na. Li wir bû. Bû sibe ez rabûm min nerî way çûye. Belkî vêya jî başiyek bû min pê kir. Ji xwer heta sibê li wir lusiya û ji xwe re raket. Le ez jî ji xwer ji tenayîyê xelas bûm. Belkî hun bêjin te ev kurteçîroka çima got. Ji ber ku ew jî ji başîyekê bu û li hev par kirinek min û wê/wî bu. Belkî hayê wê/wî jî ji min tune bû. Le hayê min jê hebu û ji min re bû wek hevalekê/hevalekî. Ji xwe min hayê wê/wî jê çêkira ezê tenê li wir bimama.

      Avdan a darekê, wechekî bi ken, dest girtinek zarokekî, alî dan a kevirekî ji ser rê, av girtinek ku bi çolê de dere, xêrek ku tu feqîrekî ne êşinê û tu pê bike… Evana giş ji başîya ne.

      Başî dibe cennetê, xerabî jî dibe cehenemê. Başîya pir, bêtir nêzîkî cennetê dike.