Li vê dinya ku em lê dijîn, berê me bi ku de ye? Gelo heta îro mirovahîyê çi bûyer jiya ye?  Rîsaleta peyxembera çawa derbas bû? Tevgera civaka, li hember peyxemberan çawa  bu gelo? Ev pirs giş heq dikin ku meriv xweşik li wan bifikire.

      Di dîrokê de kêm zêde lazmatî yên mirova wek hev çêbûnin. Hz. Zuleyha evîndar bû ye, Hz. Yusuf nexwestiye ku têkev guneh, Qays ji bo ku şifa yê bivîne çû ye Kabê; Nemrut bi kermêşek seqet miriye;  zarok kenîyane; gul şîn hatine; kevok firiyane, av herikîye, agir şewitandiye; ba hênik kiriye; dest hatinin girtin; xêlî hatine dan alîn…

      Van bûyer û şayes anan giş hatine jiyandin. Hineka hêstir daye xwar, hineka dilfirehî çêkiriye, hineka gihandiye hev… Teva van hebûn û bûyeran, bi awayekî, mirov di bin bandora xwe de hiştine. Ev bûyer ên ku mirov dîtiye û jiyaye giş şekil daye jiyana mirov. Kêfê dide, ji hev dixe, rast û xwar dike, xelas dike, tîne hiş… Mirov.

      Ji bo ku mirov jiyanek hêja û rast bijin heta îro gelek peyxember hatinin şandin. Wezîfa wan, bi cî anîna emrê Xweda bû. Mirov ji xerabîyê banî başîyê kirin. Yê ku zilm dikirin ew ji zilmê vedigerandin. Bi cehennem ê tirsandin û bi cennet ê mizgîn dan, peyxembera. Ji kes a re bûn rêber peyxember.

      Ji wextê Hz. Adem de û heta anha, tu wextê bê mesaja îlahî mabe çênebûye. Ji her qewmî re mesaja îlahî hatiye. Xwedê Teala ev mesajên xwe jî, bi wesîla peyxemberên xwe şandiye. Peyxemberê talî Hz. Muhammed (s.a.w) e. Ji bo ku mirov rê ya xwe şaş nekin Resulê Xweda Hz. Muhammed (s.a.w) di hutba xatirxwazî yê de şîret li me kiriyê û ji me re hiçkpêgirtina Quran a Kerîm û Sunnet a xwe tewsîye kiriye.

      Di wextna de hinek tişt bêtir pêş de dikevin û meriv dihejînin. Di wexta berê de, Wek tofana Hz. Nuh… Wek meşa Hz. Musa yî nav bahrê; Di wexta me de jî, Wek Tsunamî ya Endonezya, Wek ya Japon; Wek xela li Somalî yê…